Elordada «Aıalaǵan Astana» konkýrsy ótedi
ASTANA. QazAqparat - Búgin Astanada Oqýshylar saraıynda jyl saıynǵy IV «Aıalaǵan Astana - 2016» respýblıkalyq konkýrsy bastalady, oǵan Qazaqstannyń óńirlerinen kastıngten ótken 7-13 jastaǵy 12 talantty bala qatysady, dep habarlady qala ákiminiń resmı saıty.
Konkýrs 2 shildede saǵat 13:00 «Qazaqstan» telearnasynda tikeleı efırde ótedi. Jobanyń bas prodıýseri Lına Arıfýlına bastaǵan qazylar alqasy balalar shyǵarmashylyǵyna óz baǵasyn beretin bolady. Sonymen qatar, unaǵan qatysýshyǵa onyń tıisti nomeri boıynsha SMS arqyly daýys berýge bolady.
Aıta keteıik, balalar mýzykalyq ujymnyń súıemeldeýimen jandy daýyspen án aıtady.
Qatysýshylar Astanaǵa keldi jáne Qazaqstan men Reseıdiń úzdik pedagogtarymen daıyndalýda. Konkýrsqa qatysýshylardyń bos ýaqyttary joq. Olar qalanyń kórikti jerlerin aralap, «Balapan» telearnasynyń túrli balalarǵa arnalǵan sharalaryna qatysady.
«Aıalaǵan Astana - 2016» konkýrsynyń gran-prı ıegeri belgili «Artek» lagerinde ótetin «Balalar Jańa tolqyny - 2016» halyqaralyq baıqaýyna qatysýǵa joldama alady.
Atalǵan jobany uıymdastyrýshylar - Astana qalasynyń ákimdigi, «ARS» kompanııasy (Reseı), «Qazaqstan» RTRK jáne «Nur Otan» partııasy.
