Elordada «Aıalaǵan Astana» balalar baıqaýyna ótinimder qabyldaý bastaldy
ASTANA. QazAqparat - Elordada «Aıalaǵan Astana - 2017» balalar baıqaýyna ótinimder qabyldaý bastaldy. Astana qalasy ákimdiginiń qoldaýymen ótetin baıqaý «Astana EXPO-2017» halyqaralyq mamandandyrylǵan kórmesine arnalady, dep habarlady Astana ákimdiginiń baspasóz qyzmeti.
Baıqaýǵa respýblıka tarapynan 7 men 13 jas aralyǵyndaǵy ánshi balalar shaqyrylady.
Ótinishter 2017 jyldyń 15-i aqpanyna deıin ayalagan.astana2017@mail.ru elektrondy poshtasy boıynsha qabyldanady.
Aıta keteıik, alǵash ret «Aıalaǵan Astana» baıqaýy 2013 jyly Astana qalasynyń 15-jyldyǵyna aıasynda ótkizildi.
Baıqaýdyń basty maqsaty respýblıka boıynsha jas daryndy ánshilerdi taýyp, olardyń ónerin barsha halyqqa tanystyrý. Іrikteý kezeńiniń qortyndysy boıynsha irikteýden ótken balalar Astanaǵa kelip, 2 sáýirde ótetin aqtyq synǵa daıyndalady. Baıqaýdyń fınaly «Qazaqstan» Ulttyq arnasynda tikeleı efırde kórsetiledi.
Dástúr boıynsha «Aıalaǵan Astana» baıqaýynyń jeńimpazy «Detskaıa Novaıa volna» halyqaralyq baıqaýynda Qazaqstan namysyn qorǵaıtyn bolady.
Eske salaıyq, ótken tórt jylda bul saıysqa «Aıalaǵan Astana» baıqaýynyń jeńimpazdary kókshetaýlyq Bolat Batyrbaev, almatylyq Danelııa Tóleshova jáne astanalyq Muhammedáli Júginisov pen Janel Sadýaqas qatysqan bolatyn.
