Elordada avtojol salasyndaǵy bilim sapasyn arttyrý máselesi jóninde semınar-keńes ótti
ASTANA. Qazannyń 28-i. QazAqparat - Búgin elordada «QazAvtoJol- 2010» VII Halyqaralyq kórmesi aıasynda QR Kólik jáne kommýnıkatsııa mınıstrliginiń resmı qoldaýymen avtojol salasyndaǵy bilim sapasyn arttyrý máselesi jóninde semınar-keńes ótti.
Bul aqparatty atalǵan mınıstrliktiń baspasóz qyzmeti taratyp otyr.
Keńeske QR Bilim jáne ǵylym mınıstrligi, joǵarǵy oqý oryndary, jobalaý ınstıtýttary, Halyqaralyq uıymdar men sheteldik kompanııalar, kommertsııalyq uıymdardyń (qyzmet kórsetý kompanııalar, merdigerler, konsaltıngtik kompanııalar, tehnologııa óndirýshileri) ókilderi qatysty.
Semınar-keńes barysynda Avtomobıl joldary komıteti tóraǵasynyń orynbasary Amangeldi Bekov, Qazaqstan Respýblıkasy Bilim jáne ǵylym mınıstrligi men JOO professor-oqytýshylar quramynyń ókilderi, sondaı-aq merdigerlik uıym basshylarynyń baıandamalary tyńdaldy.
A.Bekov óz baıandamasynda túlekterdi jumysqa ornalastyrý máselesin sheshý úshin aǵymdaǵy jyldan bastap Avtomobıl joldary komıteti jol qurylysy mamandyǵy boıynsha oqý oryndarynyń stýdentterin óndiristik tájirıbege jáne bitirgen jas mamandardy jol-qurylys jumystaryna tartý jóninde konkýrstyq qujattamaǵa qosymsha talaptar engizgenin attap ótti.
