Elordada avtoturaq orny jetkilikti – Sáýlet basqarmasy
NUR-SULTAN. QazAqparat – Nur-Sultan qalasy Sáýlet, qala qurylysy jáne jer qatynastary basqarmasynyń basshysy Nurlan Uranqaev elordadaǵy avtoturaq ornynyń jetispeýshiligi týraly pikir bildirdi, dep habarlaıdy QazAqparat tilshisi.
«Eskızdik jobalardy bekitkende olardyń árqaısysyndaǵy turaq orny normalarǵa sáıkes bekitiledi. Máselen, 300 adam ómir súrse, soǵan sáıkes avtoturaq orny beriledi. Sonymen birge, baspananyń sanaty da eskeriledi», - dedi N. Uranqaev Ortalyq kommýnıkatsııalar qyzmetinde tilshilerge bergen jaýabynda.
Onyń aıtýynsha, turǵyndarǵa kólikterin kóshege qoıǵan tıimdi, alaıda bul avtoturaq orny jetpeıdi degen sóz emes.
«Men úı salýshylarmen jıi sóılesemin. Olar da kólik turaǵy oryndaryn óz qunynan anaǵurlym arzanǵa satatyndaryn aıtady. Biraq, soǵan qaramastan, turǵyndar turaqtan oryn satyp alýǵa asyqpaıdy. Olarǵa kólikti jol jıegine qoıý tıimdi bolyp otyr. Shyn máninde kólik qoıatyn oryn jetkilikti», - dedi N. Uranqaev.
Buǵan deıin Nurlan Uranqaev qurylysy toqtap turǵan Astana LRT jobasy týraly túsinik bergen edi.
