Elordada «Avtomobıl» jedel aldyn alý sharasy barysynda urlanǵan 28 kólik tabyldy

NUR-SULTAN. QazAqparat – 11-17 qazan aralyǵynda Nur-Sultan qalasynyń aýmaǵynda kólik urlaý qarsy áreket etý maqsatymen «Avtomobıl» jedel-aldyn alý sharasy júrgizildi, dep habarlaıdy QazAqparat Nur-Sultan qalasynyń Polıtsııa departamentiniń baspasóz qyzmetine silteme jasap.

Shara barysynda astana polıtseıleri 2021 jyly shyǵarylǵan «Lexus LX 450D» avtokóligin anyqtady. Atalǵan kólik osy jyldyń naýryzynda aıdap áketilip, Reseıdiń Astrahan oblysynyń aýmaǵynda izdeý jarııalanǵan. Qazirgi kezde kólik kommýnaldyq turaqqa qoıyldy, sotaldy tergeý júrip jatyr.

Jedel-aldyn alý sharasy barysynda avtokólik urlaǵany úshin jeti azamat qylmystyq jaýapqa tartylyp, alty kúdikti qamaýǵa alyndy, urlanǵan 28 avtokólik anyqtaldy. Avtokólikti aıdap ketýdiń jeti faktisi anyqtalǵan, olardyń altaýy budan buryn jasalǵan.

Bir aptanyń ishinde polıtsııa qyzmetkerleri 250-den astam garaj kooperatıvin, jeke menshik avtosheberhanany, tehnıkalyq qyzmet kórsetý stantsııasyn, avtoturaqty, 300-den astam avtokólikti bólshekteý men olardy satý pýnktin tekserip shyqty.