Elordada avtomobıl aýdarylyp qaldy
NUR-SULTAN. QazAqparat – Elordada úsh jeńil kólik soqtyǵysqan jol apaty boldy, dep habarlaıdy QazAqparat qalalyq polıtsııa departamentiniń baspasóz qyzmetine silteme jasap.
«6 qyrkúıekte Nur-Sultan qalasynda «Leksýs RX 350» markaly avtokólik júrgizýshisi Máńgilik El dańǵylyndaǵy №37 úıdiń aýlasynan shyǵyp kele jatyp, jol qaýipsizdigine kóz jetkizbesten Máńgilik El dańǵylymen Kereı Jánibek handar kóshesi jaǵynan Uly Dala kóshesine qaraı bet alǵan «Toıota» markaly kólikpen soqtyǵysty», - delingen habarlamada.
Soqtyǵystan keıin, «Toıota» markaly kólik ınertsııa boıynsha sol baǵytpen kele jatqan taǵy bir «Toıota» markaly kóligimen soqtyǵysyp, aýdarylyp qaldy. Jol-kólik oqıǵasy saldarynan aýdarylyp qalǵan «Toıota» markaly kóliktiń júrgizýshisi men jolaýshysy túrli jaraqatpen aýrýhanaǵa jetkizildi.
Atalǵan fakti boıynsha sot medıtsınalyq saraptama taǵaıyndaldy. Sonyń nátıjesi boıynsha protsessýaldyq sheshim qabyldanady.
