Elordada «Avtoledı-2015» baıqaýy ótti
ASTANA. QazAqparat - Astana qalasynyń Іshki ister departamenti «Avtoledı» atty erekshe baıqaý ótkizdi. Onda názik jandylar ózara dodaǵa túsip, túrli synaqtan ótti, dep habarlaıdy 24.kz.
Keshegi atqa mingen Qyz Jibek pen Aqjúnister búginde temir tulpar tizgindegen. Qazaqstandaǵy árbir besinshi júrgizýshi burymdylar ókili bolyp shyqty. Kólik júrgizýshi qyz-kelinshekterdiń biliktiligine erler qaýymy kúmánmen qaraıytyny jasyryn emes. Búgin qatqan qaǵıdany buzýǵa bel býǵan astanalyq arýlar ózara saıysqa tústi. O basta «Avtoledı» dodasyna qatysýǵa 20 ótinish túsken. Túrli sebeppen tek altaýy ǵana kelgen. Konkýrs úsh kezeńmen ótti.
Birinshisinde arýlar ózi men kóligin tanystyrdy, ekinshi kezeńde jol erejesine baılanysty suraqtarǵa jaýap berdi. Múdirgenderi joq. Bul synnan bári de súrinbeı ótti. Al sońǵy baıqaýda kólikpen júrý sheberlikterin kórsetti.
Úsh kezeńniń qorytyndysy boıynsha, bas júlde Rabıǵa Túgelbaevaǵa buıyrdy. Kóligin «Kroshka» dep erkeletetin kelinshek bertinde ǵana bas qalaǵa Aqtaýdan qonys aýdarǵan. Temir tulpardy tizigindegenine 14 jyl bolǵan. Qalǵan arýlar da baıqaýdan qur qol qaıtpady. Bastysy, jol erejesin kezekti ret pysyqtady.
