Elordada avtokólik urlaǵan kúdiktiler qolǵa tústi
NUR-SULTAN. QazAqparat - Nur-Sultan qalasynyń polıtseıleri jedel-izdestirý is-sharalaryn júrgizý barysynda avtokólik urlaǵan 19 jáne 20 jastaǵy eki kúdiktini ustady, dep habarlaıdy QazAqparat.
Polıtsııaǵa elordadaǵy Kım kóshesi boıyndaǵy úılerdiń biriniń aýlasynan «VAZ 2110» markaly avtokóligin belgisiz bireýlerdiń jasyryn urlap áketkeni týraly habarlama kelip túsken.
«Tergeý barysynda ustalǵan kúdiktiler túngi ýaqytta úıdiń aýlasynda esigi ashyq qalǵan avtokólikti baıqap, ony urlap áketý úshin salonyna kirgeni anyqtaldy. Kóliktiń kilti joq bolǵandyqtan, qaskúnemder bastapqyda ony ıterip jolǵa alyp shyǵady, keıin ınternetten qarap kólikti kiltsiz otaldyryp, aıdap áketedi.
Urlanǵan kólikpen kúdiktiler Qostanaı oblysyna deıin baryp, sol jerde qujattarynsyz arzan baǵaǵa satyp jiberedi. Keltirilgen shyǵyn somasy 500 myń teńgeni qurady», - dep jazdy qalalyq polıtsııa departamentinen.
Atalǵan fakti boıynsha «urlyq» babyna sáıkes sotqa deıingi tergeý amaldary júrgizilýde. Ustalǵan er adamdar óz kinálaryn moıyndady, avtokólik ıesine qaıtaryldy. Olardyń elorda aýmaǵynda buryn jasalǵan osyǵan uqsas qylmystarǵa qatysy bar-joǵy tekserilýde.
