Elordada avtokólik dezınfektsııa jasap júrgen KamAzǵa soǵyldy
NUR-SULTAN. QazAqparat – Elordada «Toyota Carina» markaly kólik dezınfektsııa jasap júrgen KamAzǵa soǵyldy, dep habarlaıdy QazAqparat tilshisi.
«Toyota Carina» markaly avtokólik júrgizýshi Qoshqarbaev kóshesi jaqtan Ál-Farabı kóshesine qaraı baǵyt alǵan kezde rólge ıe bola almaı joldyń qarsy betine shyǵyp ketken. Artynsha qarsy baǵytta kele jatqan áskerı «KamAZ» kóligine soqtyǵysqan. Júk kóligi kóshede dezınfektsııa jumystaryn júrgizip kele jatqan», - dep habarlaıdy qalalyq polıtsııa departamentinen.
Jol-kólik oqıǵasy saldarynan «Toyota Carina» kóliginiń júrgizýshisi dene jaraqatymen aýrýhanaǵa jetkizildi. Oqıǵanyń mán-jaıy anyqtalýda.
