Elordada avtobýstar qozǵalysyn shynaıy ýaqyt rejiminde baqylaýǵa bolady
ASTANA. 5 qyrkúıek. QazAqparat - Astana qalasynyń ákimdigi turǵyndarǵa Internet arqyly qalalyq avtobýstardyń qozǵalysyn baqylaýǵa múmkindik berip otyr. Bul týraly astana.kz saıtyna Astana qalasynyń ákimi apparatynan habarlady.
Elordada júretin barlyq qoǵamdyq kólikterdiń baǵyttary kórsetilgen elektrondyq onlaın kartasyn maps.astana.kz saıtynan tabýǵa bolady.
Budan basqa, Android jáne IOS platformalaryna arnalǵan qosymshalar da jasalǵan.
Eske salaıyq, byltyr Astana qalasyndaǵy avtobýs parkin GPS-monıtorıngi qondyrǵylarymen jabdyqtaý jobasy júzege asyryldy. Nátıjesinde, bul kez-kelgen avtobýstyń baǵytyn atalǵan saıttan onlaın rejımde baqylaýǵa múmkindik berip otyr.
Astana qalasynyń jospar-shemasy úsh tilde ázirlengen: qazaq, orys jáne aǵylshyn tilderinde. Jobalaýshylardyń aıtýynsha, kartanyń basqa da osy sııaqty servısterden artyqshylyǵy jyldamdyq, kórnekilik, óte túsinikti ınterfeıs bolyp tabylady. Al eń bastysy - onyń ózektiligi. Karta aı saıyn ózgeristerge qaraı jańartylyp otyrady.
