Elordada avtobýstar keıbir aıaldamalarǵa ýaqytsha barmaıdy
NUR-SULTAN. QazAqparat - Nur-Sultan qalasynda qalyń qar túsip, kólik júre almaıtyn kóshelerdegi aıaldamaǵa keıbir qoǵamdyq kólik barmaıdy, dep habarlaıdy QazAqparat Astana LRT-ǵa silteme jasap.
Kompanııa baspasóz qyzmetiniń málimetinshe, №2, 9, 11, 39, 80 baǵdarlar qozǵalysy ýaqytsha ózgerdi.
Keıbir qala ishindegi kóshelerdi qar basýyna baılanysty qoǵamdyq kólik qoǵalysy qıyndady, sol sebepti qalalyq baǵdarlar ýaqytsha kelesi aıaldamalarǵa kirmeıdi:
№9 baǵdar «Daýren» balabaqshasyna deıin barmaıdy;
№2 baǵdar M. Shoqaı kóshesine kirmeı, Shalkóde kóshesi arqyly júredi;
№ 11 baǵdar «Sotsıým» turǵyn úı keshenine kirmeıdi;
№ 34 baǵdar Saryózek kóshesine kirmeı, Qaınar kóshesi arqyly júredi;
№ 39 baǵdar «Alaı» bazaryna kirmeıdi;
№80 baǵdar «Internatsıonalnyı» t/a jáne «Kúıgenjar» t/a sońǵy aıaldamalaryna kirmeı júredi.
