Elordada avtobýstar keshki saǵat 21:00-ge deıin júredi
NUR-SULTAN. QazAparat - 12 mamyrdan bastap elordada qoǵamdyq kóliktiń jumysy jandanady, dep habarlaıdy QazAqparat «City Transportation Systems» kólik kompanııasyna silteme jasap.
«Avtobýstar saǵat 07:00-den 21:00-ge deıin júredi. Birinshi kezeńde jelige qalalyq baǵdarlar shyqsa, ekinishi kezeńde qala mańyna qatynaıtyn baǵdarlar shyǵady», delingen habarlamada.
Eske sala ketsek, buǵan deıin elorda ákiminiń orynbasary Baqtııar Máken avtobýs parkterimen jumys algorıtmi jasalǵanyn habarlaǵan bolatyn.
Aıta keterligi qalada qoǵamdyq kólik 30 naýryzda toqtatylǵan edi. Alaıda oqshaýlaný kezinde arnaıy avtobýstar elordanyń 57 uıymynyń 6 myńnan astam qyzmetkerin tegin tasymaldady.
