Elordada avtobýsqa minip-túsý erejesi taǵy ózgerýi múmkin
ASTANA. QazAqparat -«Astana LRT» qoǵamdyq kólikterge jolaýshylardyń minip-túsý erejesine aldaǵy ýaqytta ózgerister engizilýi múmkin ekendigin aıtty, dep habarlaıdy QazAqparat tilshisi.
«Bastapqyda valıdator endi ǵana ornatylǵan kezde kondýktorsyz júıe bolatyndyǵyn bildik. Jolaqy tóleýdiń elektrondy júıesi engizilgennen keıin birtindep kondýktor qyzmetin alyp tastaımyz. Jolaýshylarymyzdyń qoǵamdyq kólikte júrý mádenıeti laıyqty deńgeıde bolatyndyǵyna úmit artamyz. Al ol árbir jolaýshy óz erkimen valıdatsııa jasaýyn bildiredi», - dedi ol QazAqparat tilshisine bergen suhbatynda.
Onyń sózine qaraǵanda, áli kúnge deıin avtobýsta bıletsiz júretin elordalyqtardyń sany azaımaı otyr. Kúnine bıletsiz júretin júzden astam adam ustalady.
«Sondyqtan da avtobýsqa aldyńǵy esikten ǵana kirý erejesin engizdik. Degenmen, keleshekte jolaýshylar avtobýsqa mingen kezde óz erikterimen valıdatsııa jasaýǵa úırengennen keıin minip-túsý úshin barlyq esikter ashylatyn bolady», - dedi Naýat Azanbaeva.
Degenmen, qazirgi ýaqytta elordalyqtar qoǵamdyq kólikke otyrǵannan keıin óz erikterimen valıdatsııa jasaýǵa úırengen joq. Sondyqtan jolaýshylar úırengenge deıin avtobýsqa tek aldyńǵy esikten ǵana otyrǵyzylatyn bolady.
