Elordada avtobýsqa arnalǵan jolaqtar tolyqqandy iske qosyldy
ASTANA. QazAqparat - Búginnen bastap elordanyń qoǵamdyq jolaýshylar avtobýsyna arnalǵan arnaıy jolaq tolyqqandy jumys isteı bastaıdy. Bul týraly búgin «Astana LRT» JShS-niń baspasóz hatshysy Aıgúl Jamalova málim etti.
«Búginnen bastap B.Momyshuly dańǵyly men Bógenbaı batyr kóshesi boıyndaǵy arnaıy bólingen jolaqtar tolyqqandy jumys isteı bastaıdy. Alǵashqy ereje buzǵany úshin aıyppul 5 AEK-ti nemese 9910 teńgeni quraıdy. Jyl sońyna deıin qala kóshelerinde qosymsha arnaıy jolaqtar engizý josparlanýda. Biraq olardyń sany men ornalasatyn jeri qazirgi ýaqytta naqtylaný ústinde», - dedi ol.
Esterińizge sala keteıik, 26 shilde kúni Astanada «Bus Lane» qoǵamdyq kólikter qozǵalysyna arnalǵan arnaıy jolaqtardy iske qosý jobasy ilki rejimde jumys isteı bastaǵan bolatyn. Ol Baýyrjan Momyshuly dańǵylynyń Abylaıhan dańǵylynan Saraıshyq kóshesine deıingi aralyǵyn jáne Bógenbaı batyr dańǵylynyń Ýálıhanov kóshesinen Saryarqa kóshesine deıingi aralyǵyn qamtıdy. 2,84 shaqyrymdyq B.Momyshuly dańǵyly boıyndaǵy arnaıy jolaqpen 2, 4, 14, 19, 33, 35, 41, 44, 51, 52 (ekspress) jáne 56-shy nómirli avtobýstar qatynaıdy. Al uzaqtyǵy 2,15 shaqyrymdyq Bógenbaı batyr kóshesindegi jolaqpen 2, 4, 6, 7, 8, 12, 16, 17, 22, 36, 45, 46, 80, 81, 106, 109 120-shy avtobýstar júredi.
«Bus Lane» jobasy avtobýstar qozǵalysy kestesin retke keltirip, júrgizýshilerdiń tártibin jaqsartady, avtobýstardyń qozǵalys jyldamdyǵyn 20 paıyzǵa kóteredi dep kútilýde.
