Elordada avtobýs júrgizýshileriniń áreketin kamera arqyly baqylaıdy

ASTANA. KAZINFORM — Astanada qoǵamdyq kólik júrgizýshileriniń áreketin baqylaý úshin beınebaqylaý kameralary ornatyla bastady. 

— Qoǵamdyq kólikter júrgizýshisiniń áreketin baqylaýǵa arnalǵan beınebaqylaý kameralary ornatyldy. Endi barlyq avtobýsty qamtýdy josparlap otyrmyz, bul júrgizýshiniń telefonǵa alańdamaýyn baqylaý úshin qajet, — dedi Astana qalasy Polıtsııa departamentiniń ákimshilik polıtsııa basqarmasy jol-kólik jáne tehnıkalyq ınspektsııa bóliminiń aǵa ınspektory Maqsat Imashov elordadaǵy kásipkerler palatasy alańynda ótken is-shara barysynda.

Onyń aıtýynsha, polıtsııa qyzmetkerleri kúndelikti patrýldeý kezinde qoǵamdyq kólikterdegi beınebaqylaý kameralarynyń jaǵdaıyn tekserip turady.

— Odan bólek, avtobýs jolǵa shyǵar aldynda qoǵamdyq kóliktiń tehnıkalyq jaǵdaıy tekserilip, beınebaqylaý kamerasynyń da jumys istep turǵany qaralady, — deıdi ol.

Aıta ketsek, elimizde qoǵamdyq kólik ıeleri avtobýs ishine kamera ornatýǵa mindetteledi. 

Eske sala ketsek, bıyl 2 maýsymda elordada jolaýshylar avtobýsy apatqa ushyrap, 15 adam zardap shekti. Sondaı-aq apat saldarynan jetkinshek qyz qos aıaǵynan aıyryldy. Jol apatyna aıypty dep tanylǵan júrgizýshi qamaýǵa alyndy.