Elordada avtobýs júrgizýshileri bir kúnde 160 márte tártip buzǵan
ASTANA. QazAqparat - Astanada «Avtobýs» jedel-aldyn alý is-sharasy ótip jatyr, dep habarlaıdy QazAqparat tilshisi Astana qalalyq ІІD-ne silteme jasap.
«Sharanyń bir kúndik qorytyndysy boıynsha, jol-polıtsııa qyzmetkerleri jolaýshy tasymaldaıtyn avtobýs júrgizýshileriniń 160-tan astam quqyq buzý faktilerin anyqtady», -delingen ІDD habarlamasynda.
Onyń ishinde shyǵaryndylary lastaýshy zattardyń normatıvinen asyp ketetin avtomotokólikterdi jáne basqa da jyljymaly quraldardy paıdalaný boıynsha 16 fakti, júrgizýshilerdiń avtobýs júrgizý sátinde telefonmen sóılesýi boıynsha - 14 oqıǵa, 12 oqıǵa - manevr erejelerin buzý, shamamen 10 fakti - tehnıkalyq tekseristen ótpegen avtobýsty paıdalaný, jolaýshylardy, bagaj nemese júkterdi avtomobılmen tasymaldaý kezinde júrgizýshilerdiń eńbek jáne demalys rejıminiń buzylýy boıynsha 5 fakti anyqtaldy.
Eske salsaq, kúni keshe Astana qoǵamdyq kólikterdiń qozǵalysyna jaýapty «Astana LRT» kompanııasy áleýmettik jelilerde taralǵan avtobýs júrgizýshileriniń ereýilge shyǵyp jatqany týraly aqparatty joqqa shyǵarǵan bolatyn.
Odan bólek, jolaqy tólemegen 5 myńdaı jolaýshyǵa aıyppul salynǵan. Naqty aıtqanda, qoǵamdyq kólikte tólem júrgizgisi kelmegen 4 878 jolaýshy anyqtaldy. Endi olar jalpy somasy 23,5 mln teńgeniń aıyppulyn tóleıdi.
