Elordada avtobýs júrgizýshileri án saldy
ASTANA. QazAqparat - Astanada M.Ótemisuly atyndaǵy oqýshylar saraıynda Qazaqstan halqynyń Tilder festıvali aıasynda merekelik shara ótkizildi. Qalalyq avtobýs parkteriniń qyzmetkerleri sahnada óz ónerlerin ortaǵa saldy, dep jazady astana.gov.kz.
Sharany uıymdastyrýshy - Astana qalasynyń Tilderdi damytý basqarmasy jáne Astana qalasynyń Jolaýshylardy tasymaldaý ortalyǵy. Avtobýs parkteriniń kondýktorlary, júrgizýshileri, ınjenerler bı bılep, án aıtty. «Jolaýshylardy tasymaldaý ortalyǵy» JShS dırektory Baqytjan Ertaevtyń aıtýynsha, mundaı shara jyl saıyn uıymdastyrylady. Festıval birinshi kezekte halqymyzdyń tilin damytýǵa arnalǵan. Óıtkeni, til baılanys quraly ǵana emes, búkil bir halyqtyń tarıhy.
Elimizde turyp jatqan ulystardyń birligin jetkizetin shara aıasynda baıqaýlar, óner ıeleriniń kontsertteri, ǵylymı konferentsııalar men dóńgelek ústelder uıymdastyrylady.
