Elordada avtobýs júrgizýshileri alǵashqy medıtsınalyq kómek kórsetýdi úırenýde
ASTANA. QazAqparat - Avtobýs júrgizýshilerin alǵashqy medıtsınalyq kómek kórsetýge úıretý maqsatynda arnaıy medıtsınalyq jabdyqtar satyp alyndy, dep habarlaıdy QazAqparat tilshisi.
«Qalalyq №1 avtopark alańynda qyzmetkerlerge onyń ishinde jumysqa qaıta qabyldanǵandarda bar, alǵashqy medıtsınalyq kómek kórsetý boıynsha oqytý júrgizilip jatyr. Oqytýdy avtopark medpýnktindegi feldsher júrgizýde. Qyzmetkerler kúnine 1 saǵatty medıtsınalyq jedel kómek kórsetýdi úırenýge arnaıdy. Bul maqsatta arnaıy medıtsınalyq jabdyqtar satyp alyndy. Qoǵamdyq kólik qyzmetkerleri kúıik shalý, ashyq jáne jabyq synyqtar, qansyraý, odan bólek adamnyń epılepsııasy ustap nemese talyp qalǵan jaǵdaıda qandaı kómek kórsetý kerektigin úırenýde», - Astana LRT qoǵammen baılanys bóliminiń jetekshisi Naýat Azanbaeva.
Odan bólek avtopark qyzmetkerleri alǵan bilimderin is júzinde kórý maqsatynda arnaıy qýyrshaqtarǵa (meneken) tájirıbe jasaý múmkindigi bar.
«Sonymen qatar avtobýs júrgizýshilerine psıhologııalyq jáne adamdarmen qarym-qatynas jasaýǵa qatysty trenıngter ótkizilýde. Olar janjaldyń týýy men odan shyǵý joldaryn jáne de óz minezin tárbıeleý boıynsha keńester alady. Sol sııaqty, jumysqa qabyldaý sátinde mindetti túrde psıholog maman qatysyp, júrgizýshi arnaıy psıhologııalyq testileýden ótedi. Psıoholog mamannyń ruqsatynsyz júrgizýshi jumysqa qabyldanbaıdy», - Naýat Azanbaeva.
Eske sala ketsek, buǵan deıin Astanada avtobýs júrgizýshisi men kondýktor boıjetkendi ajaldan aman alyp qalǵanyn habarlaǵan bolatynbyz.
