Elordada avtobýs júk kóligin soǵyp, jolaýshylar jaraqat aldy

ASTANA. KAZINFORM – Kólik apaty elordadaǵy Uly dala dańǵylynda boldy. Tótenshe jaǵdaıdyń mán-jaıyn qalalyq polıtsııa departamentinen bilgen edik.

- Kólik apatyna qatysty tekserý júrip jatyr. Aldyn ala málimetter boıynsha, jolaýshylar avtobýsy Uly dala dańǵyly boıymen kele jatyp, jol jıeginde turǵan júk kóligin soqqan. Oqıǵa ornynda polıtsııa qyzmetkerleri jumys isteýde. Eki jolaýshy tekserý jáne medıtsınalyq kómek alý úshin aýrýhanaǵa jetkizildi, - delingen habarlamada.

Eske sala ketsek, 21 aqpanda Astanada avtobýs baǵanaǵa soǵylyp, jolaýshylar jaraqat alǵan edi.

Oqıǵa bolǵan kezde avtobýsta 25-ke jýyq jolaýshy bolǵan.

Jol apatynan zardap shekken 15 adam aýrýhanaǵa jetkizildi.