Elordada avtobýs traktormen soqtyǵysyp, birneshe adam zardap shekti
NUR-SULTAN. QazAqparat – Nur-Sultan qalasynda jolaýshylar avtobýsy traktormen soqtyǵysty. Jol-kólik oqıǵasy saldarynan úsh adam zardap shekti, dep habarlaıdy QazAqparat.
«Búgin shamamen saǵat 13:35-te elordanyń Táshenov kóshesi men Respýblıka dańǵylynda №2 baǵdarly avtobýstyń júrgizýshisi qozǵalys qashyqtyǵyn buzyp, arnaıy tehnıkanyń (traktor) artqy jaǵyna soǵyldy», - dep málimdedi City Transportation Systems kompanııasynyń baspasóz qyzmetinen.
Jol-kólik apaty saldarynan avtobýstyń úsh jolaýshysy túrli jaraqat alyp, aýrýhanaǵa jetkizildi.
Kompanııadan oqıǵa ornyna kelip jetken polıtsııa qyzmetkerleri qajetti materıaldar jınaǵanyn, olardyń arnaıy tergeý bólimine joldanatynyn atap ótti.
«Avtobýs júrgizýshisi buryn jol qozǵalysy erejelerin buzǵan joq. Jolaýshylar kóligin júrgizý ótili 12 jyldy qurap otyr», - dep atap ótti kompanııadan.
