Elordada avtobýs aqysyn bet-álpetti taný júıesimen tóleýge bolady
NUR-SULTAN. QazAqparat - Elorda avtobýstarynda jolaýshynyń bet-júzin taný arqyly jolaqy alý ádisi synaqtan ótti, dep habarlaıdy QazAqparat.
«Búgin biz «FacePay» júıesine tehnıkalyq tekseris júrgizip jatyrmyz. Bul júıe birneshe sekýnd ishinde adam bet-álpetiniń bıometrııalyq málimetteri boıynsha jol júrý aqysyn tóleýge múmkindik beredi. Qoǵamdyq kólikte jol aqysyn FacePay arqyly tóleý úshin Telegram-nan FacePay bot-baǵdarlamasyn taýyp, oǵan JSN-dy tirkep, sýretke túsirý kerek jáne banktik kartany tirkeý qajet, - deıdi «Astana LRT» JShS basqarmasynyń múshesi, basqarýshy dırektory Dáýren Nurǵalıev.
Sondaı-aq, ol qazirgi ýaqytta 2 qoǵamdyq kólikke adamnyń bet-álpetin tanı alatyn fýnktsııasy bar qurylǵy qoıylǵanyn aıtty.
«Ázirge bul joba tekserýden óte satysynda. Biz qala turǵyndarynyń pikirlerine de mán beremiz. Kelesi jyldan bastap bul joba qalanyń barlyq avtobýstarynda iske qosylady dep oılaımyn», - deıdi ol.
Júıege basqa avtobýsqa otyrý fýnktsııasy qosylady.
«ıAǵnı, ekinshi avtobýsqa bir saǵat ishinde otyrsańyz, sizden jolaqy ustalmaıdy. Sonymen qatar, Telegram-ǵa jolaqy tólengeni týraly habarlama kelip turady. Uıaly telefonyńyz óship qalǵan jaǵdaıda baqylaýshy óz uıaly telefonyna jolaýshynyń JSN-in engizý arqyly jolaqysyn tólegen-tólemegenin kóre alady. Qoldanýshylardyń jeke málimetteri Astana LRT-da saqtalady jáne basqa esh jerge taralmaıdy», - deıdi «IPay» JShS quryltaıshysy Almas Aımenov.
Eske sala ketsek, buǵan deıin Almas Aımenov qala avtobýstarynda adamnyń bet-júzin taný arqyly jolaqy alý júıesi engiziletinin aıtqan bolatyn.
Avtor: Zarına Qaharman
