Elordada aýyspaly kólik qozǵalysy engizilýi múmkin
Bul týraly QR ІІM Ákimshilik polıtsııa komıtetiniń tóraǵasy Maqsat Baıbolov aıtyp berdi.
«Bul bastamany Nur-Sultan qalasy polıtsııa departamentiniń basshysy ákimdikte ótken jınalysta kótergen. Oqý jyly bastalǵan soń elorda joldarynda keptelis kóbeıdi. Máselen, Qabanbaı batyr dańǵylyn alsaq, onyń ar jaǵynda 30 myń adam turatyn Qosshy aýyly bar. Tańerteń Qosshydan qalaǵa qaraı kólik aǵylady, keshke kerisinshe qaladan aýylǵa kólik kóbeıedi. Árıne, keptelis týyndaıdy, qozǵalys qıyndaıdy. Osy máseleni sheshý úshin reversıvti kólik qozǵalysyn qarastyryp otyrmyz, biraq naqty sheshim qabyldanǵan joq», - dedi Maqsat Baıbolov Ortalyq kommýnıkatsııalar qyzmetinde bergen suhbatynda.
Onyń aıtýynsha, barlyǵyn egjeı-tegjeıli saralap shyǵý qajet.
«Keptelistiń qaı ýaqytta kóbeıetinin, qaı ýaqytta qozǵalysty aýystyrý qajettigin anyqtaý kerek. Bul sheshim jaqyn arada qabyldanbaıdy. Shamamen taǵy bir aı qajet», - dedi komıtet tóraǵasy.