Elordada aýyr atletshi balalardyń saıysy ótedi
ASTANA. QazAqparat - 8 maýsymda Astanada alǵash ret Balalardy qorǵaý kúnin merekeleý aıasynda balalar arasynda aýyr atletıkadan jarys ótedi, dep habarlady elordalyq aýyr atletıka federatsııasynyń baspasóz qyzmetinen.
Jarysqa Astana qalasynyń, Aqmola jáne Qaraǵandy oblystarynyń balǵyn (1999-2000 jyly týǵandar jáne odan da kishkentaı) 27 sportshysy qatysady. Bolashaqta týrnır sheńberin keńeıtý kózdelgen. Jarysqa sporttan daryndy balalarǵa arnalǵan mektep-ınternattardyń tálimgerleri qatysady.
Jekeleı jáne komandalyq jarys bolady. Balalar 42, 46, 50, 56 jáne 62 kg salmaq dárejesinde, al qyzdar 44, 48, 53 jáne 58 kg salmaq sanatynda saıysqa túsedi. Atap ótý kerek, mundaı jarystar jastardyń talantyn damytyp, múmkindikterin arttyrady. Oblystyq jarysta jaqsy nátıje kórsetken sportshylar bolashaqta oblysaralyq, respýblıkalyq, qurlyqaralyq, keıin álemdik chempıonattarǵa da qatysa alady.
Astana qalasynyń aýyr atletıka federatsııasy jas daryndylardy yntalandyrýǵa kóp kóńil bóledi. Jarys júldegerlerine medaldar, dıplomdar jáne baǵaly syılyqtar usynylady.
Federatsııa balalarǵa arnap ekskýrsııa uıymdastyrmaq. Onyń ishinde elordadaǵy Okeanarıýmdy tamashalaý da bar.
