Elordada aýyr atletıkadan Azııa chempıonaty ótedi
NUR-SULTAN. QazAqparat - 18-25 sáýir kúnderi Nur-Sultandaǵy jekpe-jek saraıynda aýyr atletıkadan Tokıo Olımpıadasyna lıtsenzııa beretin Azııa chempıonaty ótedi dep habarlaıdy Olympic.kz.
Azııa birinshiliginde qurlyqtaǵy 45 memleketten kelgen sportshylar baq synaıdy. Qazirgi tańda 13 memleketten 139 sportshy ótinim berip úlgerdi.
Osy aptada Nur-Sultan qalasyna Azııa aımaqtyq aýyr atletıka federatsııasynyń ókilderi Devıd Goldstor, Sırılak Tatman jáne Afınııa Dattýıavat arnaıy saparmen kelip, qurlyq dodasy ótetin keshenniń daıyndyǵyn qadaǵalady.
Halyqaralyq federatsııa mamandary qalanyń sporttyq ınfraqurylymyna joǵary baǵa berip, iri sport jarysyn ótkizýge ruqsat etiletinin málimdedi.
