Elordada aýylsharýashylyq jármeńkeleriniń maýsymy ashylady
NUR-SULTAN. QazAqparat - 31 tamyzdan bastap elordada aýylsharýashylyq jármeńkeleriniń kúzgi maýsymy bastalady. Ár demalys kúnderi «Han Shatyr» SOO janyndaǵy alańda óńirler óndirýshileri ákelgen ónimderdi satyp alýǵa bolady, dep habarlaıdy QazAqparat qala ákimdiginiń saıtyna silteme jasap.
Jármeńkelerdiń qazirgi maýsymy jańa formatta – úlken shatyrdyń astynda ótetin bolady. Árbir ónim túrine jeke bólimder bólinedi. Shatyrlar jemis-kókónis ónimderine, et pen sútke tońazytqysh qondyrǵysy men muzdatqysh qondyrǵysy, sonymen qatar, óńirlerde óndiriletin halyq tutynatyn taýarlar úshin ornatylady.
Kelýshiler qaladaǵy iri sýpermarketterdegideı azyq-túlik arbalaryn da qoldana alady.
Ónim baǵasy óndirýshilerdiń ózinen tikeleı alǵandyqtan, ádettegideı naryqtyq baǵadan tómen bolady.
Kestege sáıkes maýsymnyń sońyna deıin elordaǵa respýblıkanyń óńirleri túrli assortımentti ónim usynyp, sol arqyly qalany qajetti azyq-túlik ónimderimen qanyqtyrady jáne óz oblysynyń mádenı dástúrlerin kórsetedi.
Dástúr boıynsha jármeńkeler maýsymyn elimizdiń ońtústik óńiriniń ókili - Túrkistan oblysy ashady. Elordaǵa 250 tonnadan astam ónim ákeletin 60 taýar óndirýshiler óz ónimderin usynady. Sonymen qatar, uıymdastyrýshy óńirdiń ónerpazdar ujymdary kontsert qoıady.
Aýylsharýashylyq jármeńkeler maýsymy 27 qazanda aıaqtalady.
Qosymsha aqparatty 556978, 556899 (WhatsApp: +77788458715) arqyly alýǵa bolady.
