Elordada aýylsharýashylyq jármeńkeler maýsymy ótedi
NUR-SULTAN. QazAqparat - Elordada aýylsharýashylyq jármeńkeleriniń kúzgi maýsymy bastalady, dep habarlaıdy QazAqparat qala ákimdigine silteme jasap.
El óńirleriniń jármeńkeleri «Han Shatyr» saýda, oıyn-saýyq ortalyǵy janyndaǵy alańda ótedi. Satýshylar úshin úlken shatyrlar tigilgen, árbir ónim túri jeke bólimde ornalasady. Budan bólek, et, sút sııaqty tez buzylatyn ónimderge tońazytqysh jáne muzdatqysh qondyrǵylary usynylady. Al kelýshiler azyq-túlik arbalaryn paıdalana alady.
«Ónimder óndirýshilerden tikeleı alynǵandyqtan, baǵalar ádettegideı, naryqtyq baǵadan tómen bolady. Kestege sáıkes maýsymnyń sońyna deıin el óńirleri alýan túrli ónim usynyp, sol arqyly qalany qajetti azyq-túlik ónimderimen qanyqtyrady jáne óz oblysynyń mádenı dástúrlerin kórsetedi. Dástúr boıynsha jármeńkeler maýsymyn elimizdiń ońtústik óńiri - Túrkistan oblysy ashady», - dedi ákimdikten.
31 tamyz kúni Túrkistan oblysy 250 tonnadan astam azyq-túlik ákeletini josparlanǵan.
Aýylsharýashylyq jármeńkeler maýsymy 27 qazanǵa deıin jalǵasady.
