Elordada aýyl sharýashylyq jármeńkeleri qazan aıynyń sońyna deıin ótedi
ASTANA. QazAqparat - Azyq-túlik baǵasyn turaqtandyrý maqsatynda Ádilbek Jaqsybekovtiń tapsyrmasymen 2015 jyldyń 22 tamyzynan bastap ár demalys saıyn «Mega» oıyn-saýyq ortalyǵynyń aldynda Jambyl oblysy taýar óndirýshileriniń qatysýymen aýyl sharýashylyǵy ónimderiniń jármeńkesi uıymdastyrylyp keledi.
Sondaı-aq taýarlar naryqtyq baǵadan 35-40 paıyzǵa arzan satylady.
Atalmysh sharaǵa Qazaqstannyń barlyq óńirleriniń taýar óndirýshileri qatysady. Kelesi aptada, 12-13 qyrkúıekte Jambyl oblysynyń taýar óndirýshileri «Mega» SOO aldyndaǵy alańda, al Ońtústik Qazaqstan oblysynyń taýar óndirýshileri Turan dańǵylyndaǵy «Astanalyq» saıabaqta jármeńke ótkizedi.
19-20 qyrkúıekte «Mega» SOO aldyndaǵy alańda Pavlodar oblysynyń, al Turan dańǵylyndaǵy «Astanalyq» saıabaqta Atyraý oblysynyń taýar óndirýshileriniń jármeńkesi ótedi.
Kelesi aptada, 26-27 qyrkúıekte «Mega» SOO aldyndaǵy alańda Shyǵys Qazaqstan oblysynyń ónimderi usynylsa, Aqmola oblysynyń taýar óndirýshileriniń qatysýymen jármeńke Turan dańǵylyndaǵy «Astanalyq» saıabaqta ótedi.
3-4 qazanda Aqtóbe jáne Almaty oblystarynyń jármekesi, 10-11 qazanda Qaraǵandy jáne Soltústik-Qazaqstan oblystarynyń, al 17-18 qazanda Batys Qazaqstan men Qostanaı oblystarynyń aýyl sharýashylyq jármeńkesi ótedi, dep habarlaıdy astana.kz.
