Elordada aýyl sharýashylyǵyndaǵy tájirıbelerge arnalǵan ortalyq qurylady
Konsortsıým týraly shartqa úsh uıym qol qoıyp otyr. Olar: Ulttyq agrarlyq ǵylymı-bilim berý ortalyǵy, Ulttyq bıotehnologııa ortalyǵy jáne A.Baraev atyndaǵy astyq sharýashylyǵy ǵylymı-tájirıbelik ortalyq.
Olar jańa qurylymnyń agrarlyq ǵylym úshin, onyń ishinde jas ǵalymdar úshin tartymdy mekemege aınalaryna úmitti.
Zerthanalyq jumystardy Ulttyq bıotehnologııa ortalyǵy ǵımaratynda júrgizý kózdelgen. Ol jerde astyq túsimin, túrli daqyldardyń qurǵaqshylyqqa tózimdiligin arttyrý boıynsha zertteýler júrgiziletin bolady. Demonstratsııalyq-kórme alańy Baraev atyndaǵy ınstıtýtta ornalasady. Onda negizinen astyq daqyldary ósiriledi. 5 myń gektar alańnyń 3 myń gektary tájirıbe jasaý úshin beriledi.
«Sońǵy ýaqytta ǵylym óz betimen ketip, óndirýshilermen tikeleı baılanys úzilip qaldy. Biz qandaı da bir júktemeni júzege asyrýǵa nıettimiz. Problemamyz da shash-etekten. Olardyń qatarynda kadrlardyń qartaıýy, jas ǵalymdardyń kelýiniń qysqarýy, jumys mártebesiniń tómendigi bar. Jas ǵalymdar bolashaq kórip otyrǵan joq, qaıda barý kerek, qalaı ósý kerektigin bilmeıdi. Іshki protsester barlyq ýaqytta birdeı ádil bolmaıdy. Keıde talantty jas ǵalymdar ózinde bolýy tıisti qarjylyq resýrstarǵa jete almaı jatady. Men úshin júıemizdiń keleshegi bar ekenin kórsetý jáne oǵan múmkindiginshe talantty ǵalymdardy tartý barynsha mańyzdy», - dedi Ulttyq agrarlyq ǵylymı-bilim berý ortalyǵynyń basshysy Ulan Tájibaev.