Elordada aýyl sharýashylyǵy taýarlary jármeńkesi ashyldy
ASTANA. Qyrkúıektiń 18-i. QazAqparat - Búgin elordada «Aýyl bereke» degen atpen aýyl sharýashylyǵy taýarlarynyń jármeńkesi ótýde,
dep habarlady Astana qalasy ákimdiginiń baspasóz qyzmetinen.
Jármeńke qalanyń úsh núktesinde, Almaty, Esil jáne Saryarqa aýdandarynda ornalasqan «Álem» sýpermarketi, Halyqqa qyzmet kórsetý ortalyǵy, «Shapaǵat» kommýnaldyq bazary aýmaǵynda. Saýda keshki saǵat 6-ǵa deıin jalǵasady.
Onda Aqmola, Qaraǵandy, Ońtústik Qazaqstan, Pavlodar oblystary men Astana qalasynyń aýyl sharýashylyǵy taýarlaryn óndirýshileriniń ónimderi usynylady.
Astana ákimdigi bundaı is-sharanyń erteń, sondaı-aq qyrkúıektiń 25-26-sy, qazannyń 2-3-i kúnderi de uıymdastyrylatyndyǵyn esterińizge salady.
