Elordada aýrýlardy basqarý baǵdarlamasy engizilýde
NUR-SULTAN. QazAqparat - Mundaı baǵdarlama sozylmaly ınfektsııalyq emes aýrýlardyń aldyn alý jáne olarmen kúres máselelerine qatysty mańyzdy ózgeristerdiń qajettiginen engizildi, dep habarlaıdy QazAqparat qala ákimdiginiń resmı saıtyna silteme jasap.
Aýrý-syrqaýdyń asqynýyn jáne adam ólimin tómendetýge baǵyttalǵan sozylmaly ınfektsııalyq emes aýrýlardy emdeýge birlesken jaýapkershilikti qalyptastyrý maqsatynda 2016-2019 jyldarǵa arnalǵan «Densaýlyq» memlekettik baǵdarlamasy sheńberinde aýrýlardy basqarý baǵdarlamalaryn (SÓJ) engizý arqyly alǵashqy medıtsınalyq-sanıtarlyq kómekti kúsheıtý jumystary júrgizilýde.
«ABB-ny engizý sozylmaly ınfektsııalyq emes aýrýlardyń aldyn alý jáne olardy baqylaý, patsıenttiń densaýlyǵyna ortaq jaýapkershilikti arttyrý, medıtsınalyq qyzmetkerlerdiń ózara is-qımylyn jaqsartý jáne múmkin bolatyn asqynýlardy nemese jaǵdaıdyń nasharlaýyn boldyrmaý úshin barlyq qoljetimdi resýrstardy paıdalaný qajettiliginen týyndaıdy», - dep habarlady qalalyq qoǵamdyq densaýlyq basqarmasynda.
ABB - ıntegratsııalanǵan kútim arqyly aýrýdyń saldaryn boldyrmaý nemese azaıtý jolymen sozylmaly aýrýlarmen aýyratyn adamdardyń ómir súrý sapasyn jaqsartý jáne densaýlyq saqtaý shyǵyndaryn azaıtýǵa baǵyttalǵan baǵdarlama. Degenmen, ózin-ózi basqarý boıynsha kúsh-jiger jumsaıtyn jaǵdaılar bar, patsıentterdiń belgili bir toptary úshin kelisilgen medıtsınalyq aralasý bar.
Mundaı baǵdarlama basqa adamdarmen birge aýrýlardy emdeýge jáne asqynýlardy boldyrmaýǵa múmkindik beredi. Qalalyq qoǵamdyq densaýlyq saqtaý basqarmasy sozylmaly juqpaly emes aýrýlardy emdeýge arnalǵan úsh baǵdarlamany júzege asyrady: qant dıabeti, júrektiń ıshemııalyq aýrýy, arterııalyq gıpertenzııa.
Búginde baǵdarlama dıspanserlik toptardaǵy naýqastardyń 15% -dan astamyn qamtyp otyr. Aýrýlardy basqarý baǵdarlamasyn engizý týraly tolyq aqparatty №5 qalalyq emhananyń bas dárigeriniń orynbasary jáne aýrýdy basqarý baǵdarlamasyn engizý úılestirýshisi Gúlnar Moldaǵalıevaǵa habarlasyp, alýǵa bolady. Telefony: 8-701-645-11-51.
