Elordada aýrýhanaǵa ókpe qabynýymen túsetin naýqastar sany 7 ese azaıdy
NUR-SULTAN. QazAqparat - Elordada aýrýhanaǵa ókpe qabynýymen túsetin naýqastar sany 7 ese azaıdy. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Tımýr Muratov aıtty, dep habarlaıdy QazAqparat tilshisi.
Onyń dereginshe, búginde Nur-Sultan qalasynyń statsıonarynda koronavırýs pen ókpe qabynýynan 343 adam em alyp jatyr.
«5 shildeden bastap aýrýhanaǵa jatqyzylǵan naýqastardyń sany indettiń órshýi kezindegi 4 myńnan 343 adamǵa nemese 10 ese azaıdy. Tıisinshe tósek qorynyń júktemesi 99 paıyzdan 17,2 paıyzǵa deıin kemidi. Statsıonarlardaǵy KVI rastalyp, aýrýhanaǵa jatqyzylǵan naýqastar sany 2000-nan 137-ge deıin 14 ese, al ókpe qabynýymen 1333-ten 198-ge deıin 7 ese azaıdy», - dedi Tımýr Muratov.
Elordada koronavırýs indeti taralýynyń basylýyna baılanysty KVI-men kúreske jumyldyrylǵan densaýlyq saqtaý nysandarynyń sany qysqaryp jatyr.
