Elordada aýla klýbtarynyń «Talanttar sherýi» festıvali ótip jatyr
NUR-SULTAN. QazAqparat – Nur-Sultanda «Jastar saraıynda» «Talanttar sherýi» aýla klýbtarynyń festıvali ótip jatyr, dep habarlaıdy QazAqparat qalanyń Qoǵamdyq damý isteri basqarmasyna silteme jasap.
Qazirgi ýaqytta «Astana jastary» aýla klýbtarynda sport, shyǵarmashylyq, ıntellektýaldy damý syndy ártúrli baǵyttar boıynsha 21 aýla klýbyna 2 500 jasóspirim men 7 jas pen 16 jas aralyǵynda balalar barady.
Festıval baǵdarlamasynda «Dostyq estafetasy» sport saıysy ótedi. Saıysqa 16 top, árqaısysynda 8 qatysýshydan, jalpy sany 128 adam qatysady. Toptar Gran-prı jáne júldeli oryndar úshin baq synaıdy.
«Jastar saraıynyń» 2-qabatyndaǵy foıede «Radýjnoe detstvo» balalar sýretteriniń kórmesi jáne avıamodeldeý kórmesi bar. Sonymen qatar foıede shahmattan týrnır ótedi, oǵan 60-tan asa tárbıelenýshi qatysady. Kórmede aýla klýbtarynyń 70-ten asa tárbıelenýshisiniń jumystary bar.
Aýla klýbtarynyń qorytyndy keshi Úlken kınokontsert zalynda ótedi, oǵan 220-dan asa tárbıelenýshi qatysady. Kontsert «Dostyq almanaǵy» ádebı spektaklinen bastalady. Kesh barysynda respýblıkalyq jáne halyqaralyq baıqaýlar men sporttyq jarystardyń jeńimpazdaryn, olardyń jattyqtyrýshylary men ustazdaryn marapattaý rásimi bolady.
Odan bólek, 21 jeltoqsan kúni 10.00-de qalalyq Oqýshylar saraıynda aýla klýbtarynyń 400 qatysýshysyna arnalǵan Jańa jyldyq erteńgilik uıymdastyrylady. Foıedegi jańa jyldyq shyrshanyń janynda sahnalandyrylǵan qoıylym jáne saraıdyń teatr zalynda «Qar hanshaıym» ertegisiniń kórsetilimi bolady.
