Elordada aýla klýbtary festıvali ótti
ASTANA. QazAqparat - Astana qalasy aýla klýbtarynyń tárbıelenýshileri QR Konstıtýtsııa kúni óz ónerlerin ortaǵa salady. Festıval osymen tórtinshi ret uıymdastyrylp otyr, dep habarlady astana.kz.
Bıyl sharaǵa «Arhat», «Abdýkar», «Asar», «Arman», «Shaǵala», «Esil», «Jeńis», «Momyshuly» jáne «Suńqar» klýbtary qatysty. Merekelik shara barysynda balalar erekshe bı bılep, án aıtsa, kelýshiler sporttyq jarystar men oıyndarǵa, vıktorınalyq suraqtarda óz bilimderin synady. Igi dástúrge aınalǵan festıval jyl saıyn ótkizilip, qala turǵyndaryn daryndy balalardyń shyǵarmashylyǵymen tanysty. Bıylǵy sharanyń maqsaty - Konstıtýtsııa kúni merekesiniń mańyzdylyǵyn atap ótip, balalardyń azamattyq-quqyqtyq bilimin damytý jáne olardyń boıynda Otanyna degen súıispenshilik pen patrıottyq sezimin qalyptastyrý.
