Elordada aýqymdy ekologııalyq aılyq bastalady

AQTAÝ. KAZINFORM – Elimizdiń bas qalasynda «Taza Qazaqstan – jaýapkershilik belesi» atty aýqymdy ekologııalyq aılyq bastalady. Іs-shara aıasynda elordada «Taza qala» jalpy ataýymen birqatar abattandyrý sharasy ótkiziledi. 11 sáýir kúni qala boıynsha tazalyq pen abattandyrý aktsııalary uıymdastyrylady, dep habarlaıdy qala ákimdiginiń resmı saıty.

Bul kúni elorda aýmaǵynda sanıtarlyq tazalaý jumysy júrgizilip, qoqystardy jınaý, saıabaqtar men gúlzarlardy, turǵyn úı aýlalaryn, sondaı-aq kásipkerlik nysandar, qoǵamdyq tamaqtaný oryndary jáne basqa da uıymdarǵa irgeles aýmaqtardy retke keltirý jumystary atqarylady.

Ákimdik kásiporyndardy, múlik ıeleri birlestikterin (MIB), shaǵyn jáne orta bıznes ókilderin, eriktilerdi jáne qala turǵyndaryn ekologııalyq aktsııaǵa belsene qatysyp, ortaq iske úles qosýǵa shaqyrady.

Bastamanyń negizgi maqsaty – qoǵam nazaryn qala tazalyǵyn saqtaý máselesine aýdarý jáne turaqty ekologııalyq mádenıetti qalyptastyrý.

Árbir turǵyn men uıym qala kósheleri men aýlalaryn abattandyrýǵa úles qosyp, ony taza, qolaıly ári ekologııalyq turǵydan qaýipsiz etýge atsalysa alady.

Buǵan deıin habarlaǵanymyzdaı, «Taza Qazaqstan» Telegram-botyna 4 myńnan asa ótinim kelip túsken.