Elordada aýktsıon blokcheın platformasy arqyly júrgizilmek
«Astana» ÁKK»UK basqarma tóraǵasy Nurlan Jaqypovtyń aıtýynsha, aýktsıondy blokcheın arqyly júrgizý konkýrsqa adamnyń qatysýyn boldyrmaıdy.
Astanada saýda oryndaryna konkýrstar kelesi túrde ótkiziledi: aqparat Smart Astana, Ulttyq kásipkerler palatasy, Astana ákimdigi men «Astana» áleýmettik-kásipkerlik korporatsııasynyń saıtynda jarııalanyp, eki apta boıy saıtta turady.
«Oǵan kez kelgen adam tirkelip, ózin qyzyqtyrǵan belgili bir ýchastkege ótinim bere alady. Al eger belgili bir ýchastkege suranys kóp tússe, mysaly tórt nemese odan kóp kásipker bir jerge ótinim beretin bolsa, biz onda aýktsıon ótkizetin bolamyz», - dedi N.Jaqypov.
Onyń aıtýynsha, buryn aýktsıon adamdardyń qatysýymen jáne baǵany kóterý ádisimen ótkizilip kelgen. ıAǵnı, kim joǵary baǵa usynsa sol jeńiske jetetin.
«Endi qalaı ótkiziletin bolady degenge keletin bolsaq, onyń barlyǵy adamı faktordy boldyrmas úshin elektrondy formatqa aýysady. Biz onda belgili bir jerge 4-ten kóp ótinim túskenin kórsek, eVaý halyqaralyq aýktsıony sııaqty blokcheın platformasy arqyly onlaın ótkizetin bolamyz», - dedi ol.
