Elordada aýyr atletıkadan jasóspirimder men jastar arasyndaǵy Azııa chempıonaty ótedi

ASTANA. KAZINFORM – 4–10 shilde aralyǵynda Astanada aýyr atletıkadan jasóspirimder men jastar arasyndaǵy Azııa birinshiligi ótedi.

Federatsııa baspasóz qyzmetiniń aqparatyna sáıkes, atalǵan týrnırde 27 elden kelgen 450-den astam sportshy baq synaıdy dep kútilip otyr. 

Elimizdiń atynan 36 jas ziltemirshi synǵa túsedi. Qazaqstan quramasynyń naqty tizimi keıin jarııalanady. 

Azııa chempıonatynda U17 jáne U20 jas sanattary boıynsha júldeler sarapqa salynady.

Aıta keteıik, jarys elordadaǵy Qazaqstan jeńil atletıkalyq sport kesheninde ótedi. 

Eske salsaq, buǵan deıin qazaqstandyq jeńil atlet Polshadaǵy týrnırde kúmis júldege ıe bolǵanyn jazǵan edik.