Elordada áýejaıdan vokzalǵa arnaıy avtobýstar qatynaıdy
NUR-SULTAN. QazAqparat – Nur-Sultan qalasynda áýejaıdan vokzalǵa jolaýshylardy aparatyn arnaıy avtobýs reısi iske qosyldy, dep habarlaıdy QazAqparat tilshisi CTS JShS-niń baspasóz qyzmetine silteme jasap.
«Almaty halyqaralyq áýejaıy jumysynyń ýaqytsha toqtatylýyna baılanysty, jolaýshylar Nur-Sultan qalasyna ushyp kelip, temirjol arqyly Almatyǵa jetip jatyr. Osy oraıda Nur-Sultan qalasy ákimdiginiń kólik jáne jol-kólik ınfraqurylymyn damytý basqarmasy men CTS JShS jolaýshylardy komendanttyq saǵat kezinde áýejaıdan vokzalǵa jetkizý maqsatynda arnaıy avtobýs reısterin iske qosty. Arnaıy reıster keshki saǵat 21:00-den tańǵy 06:00-ge deıin 30-60 mınýt aralyqpen júrip turady», - delingen habarlamada.
CTS kompanııasynyń málimetinshe, avtobýs quny tarıfke sáıkes 90 teńgeni quraıdy.
Jáne atalǵan shara Almaty qalasy áýejaıy jumysyn qaıta bastaǵanǵa deıin, ýaqytsha qolǵa alynyp otyr.
