Elordada áýejaı qyzmetkerleriniń shaǵymynan keıin arnaıy komıssııa quryldy
NUR-SULTAN. QazAqparat - QR Indýstrııa jáne ınfraqurylymdyq damý mınıstrligi «Nursultan Nazarbaev halyqaralyq áýejaıy» aktsıonerlik qoǵamy qyzmetkerleriniń BAQ-taǵy narazylyǵyna oraı pikir bildirdi, dep habarlaıdy QazAqparat.
«Áýejaı qyzmetkerleriniń shaǵymyn jan-jaqty, tolyq ári obektıvti tekserý maqsatynda Indýstrııa jáne ınfraqurylymdyq damý mınıstriniń 2022 jylǵy 10 maýsymdaǵy №332 Buıryǵymen arnaıy komıssııa quryldy.
Komıssııa elordalyq áýejaı qyzmetkerleriniń aryzynda kórsetilgen máselelerdi jiti tekseredi. Komıssııa jumysynyń barysyn mınıstr Qaıyrbek Óskenbaev tikeleı baqylaýyna aldy. Tekseris qorytyndysy boıynsha arnaıy sharalar men tıisti sheshimder qabyldanatyn bolady» delingen habarlamada.
Aıta keteıik, buǵan deıin buqaralyq aqparat quraldarynda elordadaǵy áýejaı qyzmetkerleri eńbek etý jaǵdaıyndaǵy jaısyzdyqtardy aıtyp, shaǵymdanǵany týraly aqparat taraǵan edi.
