Elordada áýesqoı teatrlardyń halyqaralyq festıvali bastaldy

Nur-Sultan qalasynyń «Sovremennık» halyqtyq jastar teatrynyń uıymdastyrýymen, elorda ákimdiginiń men Reseılik ǵylym jáne mádenıet ortalyǵynyń qoldaýymen ótip jatqan sahna dodasyna reseıden de úmitkerler kelipti.

«Jyl saıyn astanamyzda kásibı teatrlar bas qosyp jatady. Ondaı sharalarǵa biz sııaqty áýesqoı sahna ókilderi qatysa almaıdy. Sondyqtan, áýesqoı teatrlardyń basyn bıyl ekinshi ret Nur-Sultan qalasynda qosyp otyrmyz. Byltyr da halyqaralyq deńgeıde ótkizgen bolatynbyz. Bıyl úmitkerler sany byltyrǵydan kóp. Alǵashqy jyly 3 ujym ǵana baq synasa, bıyl 5 teatr qatysqaly otyr. Onyń ekeýi Reseıdiń Túmen jáne Qorǵan qalalarynan kelse, Nur-Sultan qalasynyń atynan eki ujym shyǵady. Sondaı-aq, Rýdnyı qalasynyń bir teatry bar. Negizi festıvalǵa qatysýshylardyń jasyna shekteý joq. Túmennen kelgen áýesqoı balalar teatrynda bes jasar búldirshin de bar. Al bizdiń aramyzda 30-dan asqan ónerpaz júr. Bar-joǵy bes ujym qatysyp jatsa da, «bas júlde» men úsh júldeli oryn taǵaıyndalǵan. «Úzdik áıel róli» jáne «Úzdik er adam róli» degen atalymdar da bar. Jeńimpazdarǵa gramotalar men músinsheler tabystalady. Byltyr qarjylaı syılyq bergen bolatynbyz. Bıyl oǵan demeýshi bolmady», - deıdi «Sovremennık halyqtyq jastar teatrynyń ókili Baýyrjan Toǵyzbaev.

Festıval eki kúnge jalǵaspaq. 15-16 tamyz kúnderi NomadCityHall ǵımaratynda bes ujym kórermen nazaryna túrli janrdaǵy birneshe qoıylym usynady.