Elordada aýa raıyna baılanysty taǵy 5 avtobýs toqtady
ASTANA. QazAqparat - Aýa raıynyń qolaısyzdyǵyna baılanysty qala mańyna qatynaıtyn № 300, 305, 308, 309, 312 baǵdarlardyń qozǵalysy toqtady, dep habarlaıdy QazAqparat tilshisi «Astana LRT» kompanııasynyń baspasóz qyzmetine silteme jasap.
«Barynsha saq bolyp, úsip qalmaýǵa tyrysyńyzdar. Óz saparyńyzdy aldyn ala oılastyrýyńyzdy suraımyz. Qozǵalys qalpyna kelgen jaǵdaıda qosymsha habarlaıtyn bolamyz. Astana qalasynyń qoǵamdyq kóligine qatysty jańalyqtardy Astana LRT facebook, instagram paraqshalarynan jáne www.alrt.kzsaıtynan bile alasyzdar», - delingen kompanııanyń habarlamasynda.
Eske sala ketsek, Astana mańyndaǵy aýyldarǵa qatynaıtyn avtobýstar qozǵalysy toqtatylǵanyn buǵan deıin de habarlaǵan bolatynbyz. Naqtyraq aıtqanda, № 307 jáne №317 avtobýstarynyń qozǵalysy shektelgen edi.
Odan bólek, aýa raıynyń qolaısyzdyǵyna baılanysty Astanadan Pavlodarǵa, Kókshetaýǵa jáne Atbasarǵa shyǵatyn joldar jabyldy. Sonymen qatar, búgin qalada ekinshi aýysymdaǵy oqýshylarǵa sabaq bolmady.
