Elordada aýa raıy qubylmaly bolady
ASTANA. 26 tamyz. QazAqparat - Astanada osy aptada aýa raıy qubylmaly, kún jyly, jaýyn-shashyndy bolady. Elordada 7 kún boıy kóshpeli bult shyǵady, ótkinshi jańbyr jaýady, kún kúrkireıdi. Bul týraly astana.kz saıtyna «Qazgıdromet» RMK habarlady.
Sınoptıkterdiń boljamynsha, aptanyń basynda kún jyly bolady.
«Dúısenbi kúni Astanada kún ala bultty, jaýyn-shashynsyz bolady. Batystan 7-12 m/s jyldamdyqpen jel soǵady. Aýa temperatýrasy túnde +13+15°C, kúndiz +23+25°C bolady», - dep habarlady astana.kz saıtyna Qazgıdrometten.
Seısenbi kúni elordada ótkinshi jańbyr jaýady, kún kúrkireıdi. Soltústik-batystan 9-14 m/s jyldamdyqpen jel soǵady, kún kúrkiregende ekpini 18 m/s jetedi. Túnde aýa temperatýrasy +9+11°C, kúndiz +21+23°C.
Aptanyń ortasynda kún ala bultty, jaýyn-shashyndy bolady, kún kúrkireıdi. Soltústik-batystan 9-14 m/s jel soǵady, kún kúrkiregende ekpini 18 m/s jetedi. Túnde aýa temperatýrasy +10+12°C, kúndiz +20+22°C bolady.
Apta sońynda, beısenbi kúni kóshpeli bult shyǵady, ótkinshi jańbyr jaýady, kún kúrkireıdi. Soltústik-shyǵystan 9-14 m/s jel soǵady, kún kúrkiregende ekpini 18 m/s jetedi. Túnde aýa temperatýrasy +8+10°C, kúndiz +16+18°C bolady.
Jumys aptasynyń sońǵy kúni sınoptıkterdiń boljamynsha, kóshpeli bult shyǵady, jaýyn-shashyndy bolady. Soltústikten 9-14 m/s jyldamdyqpen jel soǵady. Aýa temperatýrasy túnde +7+9°C, kúndiz +14+16°C bolady.
