Elordada aýa raıy aldaǵy kúnderi qandaı bolady
ASTANA. QazAqparat - «Qazgıdromet» RMK-nyń málimetinshe, 26-28 tamyz kúnderi Astana qalasynda kún kúrkirep, ótkinshi jańbyr jaýýy yqtımal, dep habarlaıdy QazAqparat ákimdiktiń saıtyna silteme jasap.
Jeksenbi, 26 tamyzda, elordada kóshpeli bult shyǵyp, ótkinshi jańbyr jaýady. Sondaı-aq, naızaǵaı oınaýy múmkin. Túnde jáne kúndiz tuman túsip, kúndiz burshaq jaýýy yqtımal. Batystan, soltústik-batystan 5-10 m/s jyldamdyqpen jel soǵady. Ekpini 14 m/s-qa barady dep boljanýda. Aýa temperatýrasy túnde +7+9°S, kúndiz +15+17°S bolady.
Dúısenbi, 27 tamyz kúni, kóshpeli bult shyǵyp, ótkinshi jańbyr jaýady. Sondaı-aq, naızaǵaı oınap, kúndiz burshaq jaýýy múmkin. Batystan, soltústik-batystan soqqan jeldiń jyldamdyǵy sekýndyna 9-14 metrge jetedi. Aýa temperatýrasy túnde +10+12°S, kúndiz +18+20° bolady.
Seısenbi, 28 tamyzda, elordada kóshpeli bult shyǵady. Kúndiz ótkinshi jańbyr jaýyp, naızaǵaı jarqyldaıdy dep kútilýde. Batystan, soltústik batystan jyldamdyǵy sekýndyna 9-14 metrge jetetin jel soǵady. Aýa temperatýrasy túnde +10+12°S, kúndiz +18+20°S aınalasynda bolady.
