Elordada atqarylmaǵan jumysty qabyldap alǵan kásiporyn basshylary sottaldy
ASTANA. 17 tamyz. QazAqparat /Aıdar Ospanalıev/ - Tótenshe jaǵdaılar mınıstrliginiń Memlekettik materıaldyq rezervter komıtetine qarasty «Avtomatıka» respýblıkalyq memlekettik kásiporny fılıalynyń basshylary para alǵandary úshin sottaldy.
Bul oqıǵa jóninde búgin jýrnalıstermen bolǵan brıfıngte Astana qalalyq Ekonomıkalyq qylmysqa jáne sybaılas jemqorlyqqa qarsy kúres departamentiniń basqarma bastyǵy Erlan Rahymbekov aıtyp berdi.
Onyń aıtýynsha, atalmysh kásiporyn fılıalynyń dırektory J.Baıjumanov pen onyń orynbasary A.Qurmanbaev jaýapkershiligi shekteýli seriktestikterdiń biriniń atqarylǵan jumystaryn qabyldaý aktisine tıisti sharalardyń atqarylmaǵandyǵyna qaramastan qabyldandy dep qol qoıǵan. Bul úshin basshylar 500 myń teńge kóleminde para alǵan. Osyǵan qaraı kásiporyn fılıalynyń dırektory 6 aıǵa, al onyń orynbasary 2 jylǵa sottaldy.
