Elordada ataýly áleýmettik kómektiń jańa formatty túsindiriledi
ASTANA. QazAqparat - Astanada Nátıjeli jumyspen qamtýdy jáne jappaı kásipkerlikti damytýdyń 2017-2020 jyldarǵa arnalǵan baǵdarlamasynyń negizgi baǵyttary, «Órleý» jobasy, «Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» Qazaqstan Respýblıkasynyń Zańnama normalary boıynsha aqparattyq-túsindirý jumystary júrgiziledi.
Utqyr top quramyna Eńbek, áleýmettik qorǵaý jáne kóshi-qon departamentiniń, Astana qalasynyń Jumyspen qamtý, eńbek jáne áleýmettik qorǵaý, Densaýlyq saqtaý basqarmalarynyń, Memlekettik áleýmettik saqtandyrý qorynyń, Astana qalasy ákimdiginiń Jumyspen qamtý ortalyǵynyń ókilderi kiredi, dep habarlaıdy qala ákimdiginińsaıty .
2018 jyldan bastap áleýmettik tólemderdi ońtaılandyrý kózdelgen.
1 sáýirden bastap «Almaty» aýdanynda halyqpen jáne eńbek ujymdarymen 6 kezdesý ótkizildi, onyń ishinde №24 mektepte (Prıgorodnyı turǵyn alaby), № 29 orta mektepte (Temirjol turǵyn alaby), № 45 orta mektepte (Zarechnyı turǵyn alaby), № 26 OM, № 42 OM, № 18 OM (Kúıgenjar turǵyn alaby).
Kezdesýlerge 200-den astam adam qatysty. Turǵyndarǵa jeke keńester berildi.
Qazirgi ýaqytta qoldanystaǵy áleýmettik tólemderdiń úsh túri - Ataýly áleýmettik kómek, 18 jasqa deıingi balalary bar otbasylarǵa memlekettik kómek, arnaýly memlekettik járdemaqylardyń ornyna jańa formattaǵy ataýly áleýmettik kómek usynylatyn bolady.
Jańa ataýly kómek eki túr boıynsha jikteledi - shartty jáne shartsyz. Memlekettik ataýly áleýmettik kómek eń tómen kúnkóris deńgeıiniń 50 % tómen ortasha jan basyna shaqqandaǵy tabysy bar eńbekke qabiletti azamattarǵa otbasynyń barlyq eńbekke qabiletti músheleriniń jumyspen qamtýǵa járdemdesýdiń baǵdarlamalarynda mindetti túrde qatysqan jaǵdaıda ǵana taǵaıyndalatyn bolady (áleýmettik kelisimshart negizinde). Shartsyz kómekti otbasy quramynda eńbekke qabilettiligi joq músheleri (mysaly zeınetkerler men múgedekter) nemese obektıvti sebepter boıynsha jumyspen qamtýǵa járdemdesýdiń sharalaryna qatysa almaıtyn eńbekke qabiletti azamattardyń otbasylary (mektepke deıingi jastaǵy balalary bar jalǵyzilikti analar).
Jańa Zańdy iske asyrý tómen tabysy bar otbasylardyń sanyn qysqartýǵa múmkindik beredi jáne az qamtamasyz etilgen azamattar ishinen shyǵý úshin áleýetin damytady.
