Elordada ataýly áleýmettik kómek tólene bastady
Qazirgi tańda 1648 otbasyǵa qatysty oń sheshim qabyldansa, 363 otbasy ataýly áleýmettik kómek ala bastady.
«Qazaqstan astanasynda ataýly áleýmettik kómek (AÁK) alýshylardyń shottaryna tólemder osy jyldyń 26 sáýirinen 4 mamyryna deıin túsirý josparlanyp otyr», - dedi jumyspen qamtý jáne áleýmettik qorǵaý basqarmasynyń basshysy Sáýle Nurǵojına.
1 sáýirden bastap AÁK taǵaıyndaý úshin 9 725 otbasy ótinim bergen, onyń 2 483-ine ataýly áleýmettik kómek taǵaıyndaý úshin qabyldanǵan, 2 417-i ótinish aýdandyq okrýgtik komıssııalarǵa joldandy, 1 909 otbasyǵa qatysty aýdandyq komıssııalar oń sheshim qabyldady.
Tutastaı alǵanda, jańa formattaǵy AÁK-pen 2 500 otbasyn (11 myńnan astam adam) qamtý josparlanýda. Nur-Sultan qalasyndaǵy AÁK-ti alatyn otbasylardyń ár balasyna (18 jasqa tolmaǵan balalarǵa) 21 572 teńge somasynda kepildik tólem nemese kúnkóris mınımýmynyń 70% -y tólenedi. Otbasynyń eresek adamdary úshin AÁK mólsheri jan basyna shaqqandaǵy tabys pen kedeılik shegi arasyndaǵy (21 572 teńge) aıyrmashylyq retinde esepteledi. Osy jyldyń 26 sáýirinen bastap 4 mamyryna deıin alýshylardyń shottaryna tólemder júzege asyrylady dep josparlanýda. Eske salaıyq, 1 sáýirden bastap, ataýly áleýmettik kómekti alý tártibi jeńildetildi. Al ataýly áleýmettik kómek kórsetý krıterııiniń mólsheri kúnkóristiń eń tómengi deńgeıiniń 50-den 70% -ǵa deıin artty. AÁK boıynsha keńesti E-halyqtyń derekter bazasynda oqyǵan HQKO-y mamandarynan, sonymen qatar aýdandyq ákimdikterde de alýǵa bolady.
2018 jyldan kele jatqan málimetterdi eskerile otyryp, 481 otbasyǵa, 2 915 adam AÁK shartty aqshalaı járdem 1 sáýirge deıin tólendi. 2019 jyldyń 1 sáýirine deıin josparlanǵan 363 shartty aqshalaı kómek alýshyǵa, 2019 jyldyń 1 sáýirden bastap áleýmettik kelisimsharttyń aıaqtalýyna deıin shartty aqshalaı járdemaqylar somasy qaıta esepteldi.
AÁK taǵaıyndaý kezinde tórt nemese odan da kóp kámeletke tolmaǵan balalary bar kópbalaly otbasylarǵa taǵaıyndalyp,tólenetin arnaıy memlekettik járdemaqylar, «Altyn alqamen», «Kúmis alqamen» marapattalǵan kópbalaly analarǵa taǵaıyndalyp tólenetin aı saıynǵy memlekettik járdemaqy, nemese buǵan deıin buryn «Batyr ana» ataǵyn alǵan, І jáne ІІ dárejeli «Ana dańqy» ordenderimen marapattalǵan analarǵa taǵaıyndalyp, tólenetin aı saıynǵy memlekettik járdemaqy, múgedektigi boıynsha balaǵa taǵaıyndalatyn járdemaqy, stıpendııa, jergilikti bıýdjetten tólenetin birjolǵy tólemder esepke alynbaıdy.
Ákimdiktiń habarlaýynsha, 1 sáýirden bastap AÁK alý jeńildetilgen. Ol úshin tek AÁK taǵaıyndaý týraly ótinish pen jeke basty kýálandyratyn qujat kerek (árbir otbasy múshesiniń), al qalǵan aqparattardy E-halyq derekqorynan alýǵa bolady.
Sonymen qatar, ataýly áleýmettik kómekke qatysty qaýyrt jeli isteıdi.
111 biryńǵaı baılanys ortalyǵynyń tegin nómirine qalalyq telefon arqyly da, Smart Astana mobıldi qosymshasy arqyly da qońyraý shalýǵa bolady.
