Elordada astyrtyn jumys istegen kazıno anyqtaldy
ASTANA. 18 qyrkúıek. QazAqparat - Astanada «Lombard» mekemesi túrindegi qyzmetti jamylyp, jasyryn jumys istep kelgen zańsyz kazıno anyqtaldy. Bul týraly Astana qalalyq ekonomıkalyq qylmysqa jáne sybaılas jemqorlyqqa qarsy departamentiniń baspasóz qyzmetinen habarlandy.
Atap aıtqanda, aǵymdaǵy jyldyń 17 qyrkúıeginde departamenttiń jedel qyzmetkerleri Astana qalasynyń Kúıshi Dına kóshesinde ornalasqan oıyn avtomattary bar zańsyz kazıno-rýletkanyń qyzmetin áshkerelegen. Zańsyz kazıno «Lombard» mekemesi túrinde qyzmet atqarǵan. Kazıno astyrtyn jumys istegen ári oǵan tek turaqty kelýshiler ǵana ene alǵan. Zańsyz mekemeniń kireberis aldyndaǵy aınalasy túgel beıne kameralarymen baqylanyp otyrǵan. Іshke ený úshin, oıynshylar domofon arqyly arnaıy «tekserýden» ótip, sosyn baryp qana kúzetshi esikti ashyp, kelýshini kirgizip, kútpegen qonaqtardan saqtaný úshin esikti jaýyp otyrǵan.
«Operatsııa barysynda kazınoda bolǵan 6 «oıynshynyń» bireýi zeınetker bolsa, olardyń qatarynda qyzmet kórsetýshiler quramy bolǵan. Departamenttiń jedel qyzmetkerlerimen aqsha qarajattary, oıyn jabdyqtary, rýletka ústeli, oıyn avtomattary men esep jazýlary tárkilendi. Qazirgi ýaqytta atalǵan fakt boıynsha tergeý aldy tekseris júrgizilip jatyr, QR QK «Zańsyz oıyn bıznesin uıymdastyrý» 269-1 baby boıynsha qylmystyq isti qozǵaý máselesi sheshilip jatyr», - delingen baspasóz habarlamasynda.
Al resmı málimetterge súıensek, jyl basynyn qalalyq qarjy polıtsııasy departamenti 18 oıyn avtomattary zalynyń jáne 3 kazınonyń zańsyz qyzmetin anyqtaǵan. Kóleńkeli aınalymnan 244 oıyn avtomattary, 8 rýletka, karta oıyndaryna arnalǵan 9 ústel jáne 1,2 mln teńge somasynda aqshalaı qarajattar tárkilendi. Atalǵan faktiler boıynsha QR QK «Zańsyz oıyn bıznesin uıymdastyrý» baby boıynsha 9 qylmystyq is qozǵalǵan.
