Elordada «AstanaPolytechni» joǵary tehnıkalyq mektebi ashylady
ASTANA. QazAqparat - Astanada «AstanaPolytechnic» joǵary tehnıkalyq mektebi ashylady. Bul týraly búgin QR Premer-Mınıstriniń orynbasary Berdibek Saparbaevtyń qatysýymen ótken «Áleýmettik áleýet-Astana aıbary» atty keńes barysynda málim boldy.
Aıta keterligi, keńes qorytyndysyna oraı Astana qalasynyń ákimdigi men birqatar memlekettik organdar arasynda memorandýmdar jasalǵan bolatyn. Solardyń biri - bilim júıesin damytý baǵytynda Astana qalasy ákimdigi men Densaýlyq saqtaý jáne áleýmettik damý mınıstrligi arasyndaǵy memorandým. Qujat barlyq deńgeıdegi bilim sapasyn jáne onyń elorda turǵyndary úshin qoljetimdiligin arttyrýǵa negizdelgen. Osynyń negizinde, Astanada «Bıotehnologııa ulttyq ortalyǵy» ǵylymı-ınnovatsııalyq kesheni, qurylys jáne turǵyn úı-kommýnaldyq sharýashylyq, «AstanaBuisnessCampus» ǵylymı saıabaǵy, energetıka, týrızm, qonaq úı bıznesi, aqparattyq-kommýnıkatsııalyq tehnologııa salalary boıynsha mamandar daıarlaıtyn «AstanaPolytechnic» joǵary tehnıkalyq mektebi ashylatyn bolady.
Budan bólek, Mádenıet jáne sport mınıstrligi men Astana qalasynyń ákimdigi arasynda 2015-2017 jyldarǵa arnalǵan áriptestik memorandýmy qabyldandy.
Atalmysh memorandýmnyń basty maqsaty - tarıhı-mádenı murany, ultaralyq yntymaqtastyqty saqtaý jáne damytý, mádenıet pen memlekettik tildi damytý, ulystardyń teńdigin qamtamasyz etý. Osyǵan oraı, aldaǵy ýaqytta memorandým aıasynda ótkiziletin sharalar mádenıet mekemelerine halyqtyń jıi barýyn qamtyp, sportpen shuǵyldanatyn turǵyndar sanyn arttyrýǵa sep bolmaq.
