Elordada «AstanaParkLand» qalalyq saıabaqtar festıvali ótip jatyr

 Merekege oraı úsh saıabaqta gúlden «EKSPO-2017» halyqaralyq kórmesiniń belgisi jasaldy. Astanalyqtar ushaq pen poıyzǵa bılet almaı-aq, túrli memleketterdi kórip qaıtady. Bul jańa tehnologııalar da emes, qııal da emes. «Astana Park Land» festıvali aıasynda «Jeruıyq», «Araı» jáne «Astanalyq» saıabaqta EKSPO kórmesin ótkizý tarıhy baıandalady. Olardyń  árqaısysy qurlyqtarǵa bólingen. «Araı» saıabaǵynda (jasyl tús) Soltústik jáne Ońtústik Amerıka, Kanada jáne Brazılııa memleketteriornalasady.Saǵat 11-den 20.00 deıin qonaqtar túrli is-sharalardy tamashalaıdy, mehendı (qynamen sýret salý), akvagrım, latynamerıkalyq bı jáne t.b. sheberlik dáristeri ótedi. «Araı» parkinde ońtústikamerıkalyq falabella tuqymynan shyqqan kishkentaı at júredi. Ol merekege oraı elordaǵa arnaıy ákelindi. «Astanalyq» park kók túske boıalady. Munda halyqaralyq kórmeni ótkizgen Eýropa men Avstralııa memleketteri kórsetiledi. Qyzǵylt-sary túske boıalatyn «Jeruıyq» parkinde Azııa memleketteriniń Japonııa, Koreıa, Qytaı jáne Qazaqstannyńmádenıetimen tanysýǵa bolady.

Sonymen qatar, barlyq parkterde kúni boıy anımatorlar, boıshań qýyrshaqtar júredi, al eń kishkentaı elordalyqtar úshin ınteraktıvti halyq ertegileri aıtylady. Munymen qosa, «Jeruıyq», «Araı» jáne «Astanalyq» parkterde ashyq aspan astyndaǵy jazǵy kınoteatr ashyldy. Astana turǵyndary men qonaqtary kók shalǵynǵa nemese túrli tústi jumsaq oryndyqtarǵa otyryp, «Qazaqfılm» kınostýdııasynyń ár jyldardaǵy úzdik anımatsııalyq jáne kórkem fılmderin tamashalaı alady.