Elordada «Astanalyq Qutqarýshy» jańa mamandandyrylǵan basylym jaryqqa shyqty
ASTANA. 28 tamyz. QazAqparat - Qyrkúıek aıynda elordalyq Tótenshe jaǵdaılar jónindegi departamenti «Astanalyq Qutqarýshy» mamandandyrylǵan aqparattyq basylymyn jaryqqa shyǵarady. Bul týraly astana.kz saıtyna vedomstvonyń baspasóz qyzmetinen habarlady.
Gazette aı saıyn qalalyq qutqarýshylardyń ómiri men qyzmeti jaıly jazylady.
«Tırajy 1000 dana. Basylym betterinde elordalyq departamenttiń eń qyzyqty jańalyqtary, batyrlarmen jáne qutqarýshylarmen suhbattar, sporttyq jarystar, merekelik is-sharalar,baıqaýlar týraly málimetter jarııalanady. Ornalastyrylǵan materıaldar 2 tilde ázirlenedi. Bul oqyrmandar aýdıtorııasyn aıtarlyqtaı ulǵaıtpaq» - delingen aqparatta.
Aıta keteıik, Konstıtýtsııa kúnine oraı gazettiń qanatqaqty sany shyǵaryldy. Onda «Prezıdenttiń mindetterin júzege asyrý», «Jemqorlyqqa jol joq», «Úsh tuǵyrly til», «Bizdiń zamanymyzdyń batyry» jáne basqa da aıdarlary bar.
