Elordada «Astanalyq Hakaton» Hakerlik marafony ótedi

ASTANA. 8 mamyr. QazAqparat - 11 mamyrda BNews.kz portalynyń stýdııasynda Astanada Hakerlik marafonnyń bastalýyna oraı baspasóz máslıhaty ótedi.

Eske sala keteıik, Qazaqstannyń ındýstrıalyq-ınnovatsııalyq damýy sheńberinde Astana qalasynyń ákimdigimen tuńǵysh ret 19-20 mamyr aralyǵynda «Astanalyq Hakaton» Hakerlik marafony ótpek. Oǵan IT-salasynyń túrli deńgeıdegi mamandary qatysatyn bolady. Astana hakatonynyń negizgi taqyryby «SmartAstana» («Aqyldy qala») jobasyn damytý bolady.

Atalǵan shara Astana qalasynyń ınnovatsııalyq belsendiligin arttyrýǵa, bastaýysh jáne tájirıbeli baǵdarlamashylardyń, dızaınerler men jobalaýshylardyń, IT-marketologtardyń qaýymdastyǵyn qurýǵa baǵyttalady. Sonymen qatar, shara shaǵyn bıznesti damytýdyń tıimdi quraly retinde baǵalanyp otyr. Baıqaý jeńimpazdary aqshalaı syılyq alady.

Toqtala ketetin jaıt, is-sharanyń operatory «Astana Innovations» AQ bolsa, «The One capital» AQ birlese uıymdastyrýshy, «NIT» AQ, «ARTA» JShS seriktester bolyp otyr.